Bielorrusia nega estar a planear a súa participación militar en Ucraína. Coa chegada das tropas rusas ao sur de Bielorrusia e o anuncio da creación dunha «agrupación militar rexional» entre Moscova e Minsk, o temor por parte de Occidente a que Bielorrusia dese o paso cara a unha mobilización era máis que comprensible.
Minsk aclara de que a misión da devandita agrupación militar, con preto de 9.000 soldados rusos, é só defensiva: «Toda a información falsa que se está publicando a través de diversas fontes na internet non é fiable, non hai razón para preocuparse», sostén Alexander Shalpuk, oficial superior de Bielorrusia responsable de mobilización. «Serán citados na comisaría militar, especificaranse os seus datos e partirán cara ao seu lugar de traballo ou de residencia. Non está a ter lugar unha mobilización na República de Bielorrusia». Desde a oposición bielorrusa a postura é clara: seguir os pasos do Kremlin cun recrutamento nacional sería un grave erro que a cidadanía non perdoaría. Desde Ucraína, por suposto, non se fían, máis aínda tendo en conta os ataques recibidos desde chan bielorruso. Kiev reforzou as súas defensas ao longo da fronteira con tropas de forzas especiais adestradas para contrarrestar unha operación conxunta entre Rusia e o seu máis fiel aliado.
22