O turismo sostible foi un dos grandes protagonistas da feira e BioCultura serviu para dar a coñecer aos visitantes a súa contorna máis próxima. Aínda con restricións, BioCultura conseguiu chegar a un número de visitantes similar ao da súa última edición en Galicia (2020), xusto uns días antes da chegada da pandemia. Desde a organización sinalan que están satisfeitos non só pola cantidade de persoas que se pasaron por ExpoCoruña, preto de 11.000 visitantes, senón, sobre todo, polo entusiasmo do público que anhelaba poder volver á presencialidade. «Os visitantes viñeron con ganas de coñecer as propostas e novidades do sector ecolóxico e participaron de forma moi activa nas preto de 80 actividades que tiveron lugar durante os 3 días de feira», explicou Ángeles Parra, directora de BioCultura.
37