0
A pasada fin de semana a localidade rioxana de Calahorra acolleu os Campionatos de España de Dúatlon Cros, Ácuatlón e Tríatlon Cros que contaron cun total de 1.400 deportistas na liña de saída das tres probas en representación de 114 clubs. Daniel Blanco na categoría paralímpica PTS7 e Diego Souto na cadete, foron os representantes da A.D. Fogar de Carballo e Oleiros no Campionato de España de Ácuatlon que tivo lugar na tarde do sábado día 25 de xullo, con percorridos de natación no encoro do Perdigoteiro e carreira a pé ata o parque do Cidacos. Bo papel dos deportistas da A.D Fogar que remataron na 7ª praza no caso de Daniel e na 17ª praza no caso de Diego.