40
Noicela, Rebordelos, San Miguel de Vilela ou Lema xa son de seu lugares moi fermosos, con espectaculares vistas de terra, mar e ceo. Pero, tal e como mostra a fotografía, o que se puido ver este sábado ás 18:20 horas podemos dicir que converteu a estas parroquias carballesas nun lugar divino para plasmar unha instantánea nada frecuente e digna de ser vista. O fenómeno durou pouco máis dun minuto, nese espazo de tempo un grupo de nubes baixas tornaron de azuis a verdes, vermellas e por último a moi negras. Os maiores do lugar afirmaban que nunca viran nada semellante. Será que algo está a cambiar na inusual climatoloxía que estamos a vivir?.