O seu cargo de primeiro ministro pende dun fío tras o goteo de informacións que revelan as numerosas festas en Downing Street, mentres a maior parte do país obedecía as severas restricións impostas desde o Goberno para loitar contra a Covid-19. Tras o anuncio da policía británica, sobre a investigación iniciada para esclarecer estes encontros sociais en contra das normas, as opcións de Johnson redúcense nunha semana crítica para o mandatario. Mesmo antes do «partygate», Johnson estivera no punto de mira tras unha serie de escándalos e críticas pola súa xestión da pandemia de coronavirus. O apoio ao primeiro ministro caeu en picado desde entón, tamén entre quen ata hai pouco eran admiradores. A escena política británica cambaléase, mentres unha alta funcionaria investiga os escándalos das festas prohibidas. «Esperen a Sue Gray» converteuse na frase que máis soa entre ministros e partidarios do goberno.
34