O alto representante da Unión Europea para Asuntos Exteriores, Josep Borrell, avogou este venres por «impoñer desde o exterior» a creación dun Estado palestino «para ter a paz» a pesar da negativa de Israel, reiterada esta semana polo seu primeiro ministro, Benjamín Netanyahu. O xefe da diplomacia europea defendeu, ademais, que Tel Aviv contribuíu á creación de Hamás co obxectivo de debilitar á Autoridade Nacional Palestina (ANP). O xefe da diplomacia da UE tamén se pronunciou sobre a extensión do conflito entre Israel e Palestina ao mar Vermello, onde os rebeldes hutíes do Iemen comezaron a bombardear embarcacións con destino a Israel desde o inicio do conflito en Gaza, poñendo en xaque ao comercio internacional e provocando a resposta de EE.UU. e Reino Unido. Borrell instou a «evitar unha escalada» do conflito e a «protexer a navegación» sen aumentar a tensión.
39