Josep Borrell visitou Irán para tratar de rebaixar as tensións en Oriente Medio. O Xefe da Diplomacia Europea estrearase este xoves no Consello de Seguridade da ONU, onde se debaterá o plan de paz de Trump. O presidente de Irán, Hasan Rohani, mostrouse comprometido a traballar con Europa para resolver os problemas relativos ao acordo nuclear. Borrell asegura que o principal obxectivo de Europa é salvar o pacto: «A activación do mecanismo de solución de controversias previsto no marco do JCPOA, por parte dos tres países europeos, Francia, Alemaña e o Reino Unido, non significa que estes países queiran ir ao Consello de Seguridade para cancelar definitivamente o acordo nuclear». A Unión Europea preocúpalle a anexión de parte de Cisxordania a Israel, como propón o plan estadounidense, porque non recoñece a soberanía de Israel sobre os territorios ocupados. «Se se implementan os pasos cara á anexión», dixo Bruxelas, «non poderían pasar sen resposta». Esas declaracións e a visita de Borrell a Irán non sentaron ben en Israel, que cualifica de «ameazante» a linguaxe utilizada polo alto representante da Unión Europea.
36