O ministro de Agricultura, Pesca e Alimentación, Luis Planas, e o comisario europeo de Medio Ambiente, Océanos e Pesca Virginijus Sinkevičiu presentaron en conferencia de prensa as conclusións do Consello de Ministros informal de Vugi. Informaron que hai consenso entre os 27 para avanzar cara a algunhas medidas que pedía o sector: hai que construír barcos novos e para iso débese levantar o voto aos fondos públicos para renovar a frota. Os responsables de Pesca comunitarios concluíron un consello informal en Vigo, no que abriron o debate sobre a revisión a medio prazo do Fempa, sobre a fixación de cotas plurianuais de pesca e outras medidas para garantir unha frota máis eficiente e con menos emisións de carbono. Á reunión asistiron representantes dos armadores, das patronais da acuicultura, das confrarías, dos sindicatos e das asociacións de mulleres do mar da Unión Europea, así como do Parlamento Europeo.