A Comisión Europea mostrou preocupación polas novas restricións de viaxe que aplicaron varios gobernos europeos, e avogou por aplicar medidas como corentenas e probas obrigatorias aos viaxeiros en lugar de pechar as fronteiras de todo, para evitar disrupcións. A Comisión lembra aos embaixadores dos Estados membros que, «dadas as experiencias ao principio da pandemia», a coordinación nesta área «é crucial para asegurar claridade e predictibilidade» para cidadáns e empresas. Entre outros cambios nos últimos días, Alemaña recomendou non viaxar a España (salvo as Illas Canarias) e Holanda fixo o propio con dez rexións europeas, entre elas Madrid, París e Bruxelas. A Comisión insiste en que os peches nas fronteiras e as restricións ás viaxes causan «disrupcións» que deben «evitarse o máximo posible».
39