A Unión Europea debería “acelerar” a súa capacidade industrial de defensa no próximos cinco anos para facer fronte á ameaza proveniente de Rusia, dixo a presidenta da Comisión Europea, Ursula von der Leyen, durante unha sesión plenaria do Parlamento Europeo en Estrasburgo este mércores.
“A simple verdade é que non podemos permitirnos o luxo da comodidade. Non temos o control das eleccións nin das decisións noutras partes do mundo. E simplemente non temos tempo para eludir o tema”, dixo Von der Leyen.
“Con ou sen o apoio dos nosos socios, non podemos deixar que Rusia gañe. E o custo da inseguridade, o custo dunha vitoria rusa, é moito maior que calquera aforro que poidamos facer agora. E por eso é hora de que Europa actúe”, engadiu.
A súa petición chega inmediatamente despois dos comentarios feitos polo candidato republicano ás eleccións presidenciais dos Estados Unidos, Donald Trump, quen abertamente dixo que “alentaría” a Rusia a facer “o que queira” contra os países da OTAN que non gastan polo menos o 2% do seu PIB en defensa.