Buscan á irmá menor de Olivia no mar en plena conmoción social


As tarefas de procura de Anna, unha das dúas nenas desaparecidas en Tenerife xunto ao seu pai continúan, en plena conmoción social despois de que os equipos de rescate achasen o corpo da súa irmá maior, Olivia tras máis de seis semanas. A autoridade xudicial confirmou que a toma de pegadas practicada ao cadáver rescatado permite afirmar xa sen lugar a dúbida algunha que o corpo é o da pequena Olivia. Dúas patrulleiras da Garda Civil aproximáronse ao buque oceanográfico Ángeles Alvariño que rastrexa a zona onde foi achado o cadáver de Olivia cun radar, polo que podería haber novos datos. Anna e Olivia, dun e seis anos, desapareceron o pasado 27 de abril xunto ao seu pai. Unha desaparición que foi catalogada de «alto risco» e que nun primeiro momento se investigaba como un posible delito de secuestro. A nai das nenas denunciara ante a Garda Civil que a súa exparella a chamou para dicirlle que non ía velas máis, nin a el tampouco.