40
Unha muller resultou, presuntamente, ferida pola súa parella en Coristanco na tarde deste xoves, ao parecer cunha arma branca. Tras unha discusión a vítima saíu da vivenda onde reside no lugar de Centiña e foi presuntamente atacada cun coitelo que lle provocaría graves feridas. Tras pedir axuda malferida en casa duns veciños a muller esborrallouse. Dada a voz de alarma ás forzas de seguridade o presunto autor deuse á fuga por un monte próximo, sendo detido máis tarde na veciña parroquia de San Paio. A vítima foi evacuada en helicóptero ao hospital. Ao lugar acudiu a Garda Civil de Carballo, Policía Local e Protección Civil de Coristanco.