Salvamento Marítimo activou á primeira hora deste martes a procura dun pescador dun barco galego desaparecido ao caer ao mar a cinco millas ao norte de San Vicente de la Barquera. Segundo informaron fontes deste organismo, o pescador atopábase faenando a bordo do barco ‘Novo Xoel’, con base en Camariñas, cando caeu á auga. O pescador desaparecido levaba posto o chaleco salvavidas e roupa de auga, de acordo coa información facilitada desde o pesqueiro do que era tripulante. O barco deu aviso do ocorrido ás 07.40 horas ao Centro de Salvamento Marítimo de Santander, que mobilizou á embarcación Salvamar Deneb e ao helicóptero Helimer 202. Na procura do desaparecido participan, ademais de Salvamento Marítimo, numerosos medios marítimos e aéreos de Guardia Civil e Instituto Social da Mariña e Protección Civil de Cantabria.
0