O alcalde de Vigo deu a benvida ao primeiro dos voos rutineiros que haberá entre Vigo e Valencia este ano. A partir de marzo, Air Nostrum operará 888 voos, 168 máis que no 2019. Isto supón ao redor de 90.000 prazas, un 29% máis que no mesmo período do ano previo á pandemia. No mes de agosto haberá 11 conexións diferentes desde o Aeroporto de Vigo.
Desde que Air Nostrum reactivou a operativa en Vigo o pasado 17 de decembro e ata o 30 de setembro deste ano a compañía ten previsto realizar no aeroporto de Peinador un total de 1.022 voos.
Abel Caballero puxo de manifesto as axudas de promoción turística do Concello de Vigo, que Air Nostrum gañou no ano 2018 e agora retómase dito contrato. O alcalde considera que “o aeroporto pode superar pronto a actividade do ano 2019 grazas ao impulso do Concello, sumado á acción da cidade, a economía e o turismo de Vigo”, sentenciou.