25
O secretario xeral do PSdeG, Gonzalo Caballero, denunciou este luns que Galicia está “á cola de España” tanto en número de rastrexadores como de axudas directas aos sectores máis afectados pola pandemia. Afirma que Feijóo comezou anunciando 6.152 rastrexadores que logo reduciu ata 700, mentres o seu conselleiro de Sanidade segue negándose a facilitar os datos. “Aínda non hai un só negocio en Galicia que recibira un euro a pesares de que Feijóo pechou a hostalería en 60 concellos hai vinte días”. Caballero contrastou os 16 millóns de euros comprometidos por Feijóo para unhas axudas que aínda non se materializaron cos 40 millóns de euros consignados por Euskadi para o mesmo fin ou os 30 millóns da Rexión de Murcia.