0
O Concello de Cabana acolleu esta pasada fin de semana unha expedición botánica guiada coa que coñecer mellor o patrimonio natural do municipio. A iniciativa, integrada na programación municipal de primavera e bautizada como ‘Buscando tesouros naturais’, desenvolveuse pola ruta do Rego dos Muíños, un espazo recentemente acondicionado, e tivo por finalidade divulgar a riqueza paisaxística e a importancia de preservar a saúde dos ecosistemas autóctonos.