- En total repartíronse seis cestas con produtos típicos desta época do ano
O Concello de Cabana entregou esta semana os premios ás persoas gañadoras nos concursos de decoración exterior e de postais de Nadal organizados polo departamento de Cultura dentro da programación ‘O noso Nadal’. En total repartíronse seis cestas con produtos típicos desta época do ano.
No certame ‘Crea a túa postal de Nadal’, Sofía Souto Pose proclamouse gañadora na modalidade infantil; Idoia Abeleira Suárez na xuvenil e Eva Lema Martínez na de adultos.
En canto ao concurso ‘Decora o exterior da túa casa no Nadal’, o primeiro premio foi para Atenea María Senande Costa; o segundo para Brais Rellán Cundíns e o terceiro para Sandra Estramil Riobo.
Desde o departamento de Cultura agradeceron a «ampla participación da veciñanza nestes certames e en todas as actividades propostas» e adiantaron que están traballando en «novas sorpresas» para os meses de febreiro e marzo aproveitando a conmemoración do Día de Rosalía e a chegada do Entroido.