Cabana | Os gañadores do concurso de Entroido reciben os seus premios

• En total entregáronse tres tabletas Lenovo Tab M10

Este venres o Concello de Cabana de Bergantiños fixo entrega de varias tabletas Lenovo Tab M10 aos gañadores do concurso telemático de Entroido que, segundo sinalaron desde o Consistorio, foi todo un éxito de participación.

Así, representantes do goberno local repartiron as computadoras de man entre Ainara Devesa Gómez, gañadora no concurso de disfraces individual; Felipe, María, Nicolás e Bruno Gómez Mourelle, que lograron o premio á mellor comparsa de conviventes por «Os Beatles en Cabana»; e Puri Rivera Pose por «Os mecos do Baladiño».