Acábanse as vacacións e parece que non terminas de desconectar da tecnoloxía nin relaxarche do todo. Estás pendente todo o intre do móbil, do computador por se hai algún email do traballo. Pensabas aproveitar os días de descanso para ler esa novela que tes pendente e en lugar diso estás todo o día na internet. Volvémonos yonquis da tecnoloxía, non podemos vivir sen WIFI e o noso smartphone parece unha extensión da nosa man. Levámolo todo o día encima. As vacacións puideron ser o mellor momento para desintoxicarse por completo da tecnoloxía e navegar polo mar en lugar de facelo por internet. Todos usamos o móbil bastante máis do que pensamos. O problema xorde cando iso afecta as nosas relacións (miramos a pantalla en lugar de manter unha conversación), ou ao noso traballo (porque consultamos cousas na internet en lugar de estar pendentes das nosas tarefas). Se deixamos de facer cousas como ir ao ximnasio porque pasamos horas en redes sociais, ou permanecemos conectados e perdemos a noción do tempo, podemos ter un problema con internet e a tecnoloxía. Ademais, podemos chegar a sentir ansiedade se non podemos conectarnos ou consultar o noso móbil. E iso si que é grave.
45