Un pico de tensión afectou na tarde deste martes á central de procesamento de datos do Servizo Galego de Saúde, provocando a caída de todo o seu sistema informático.
Segundo confirmaron fontes da consellería de Sanidade, a orixe do fallo foi un problema no sistema eléctrico, un pico de tensión, que afectou a central de procesamento de datos ao redor das 18.00 horas. Aínda que se traballa no restablecemento dos sistemas, que será paulatino, diferentes fontes do ámbito sanitario confirmaban sobre as 20.00 horas continuaban inactivos os accesos de diferentes servizos a historias clínicas dos pacientes, receitas ou tramitación de baixas.
A propia web institucional chegou a verse afectada durante a tarde. O groso da actividade sanitaria ordinaria prodúcese pola mañá, pero, aínda así, este feito tivo especial incidencia en servizos de urxencias, PAC, centros de saúde con actividade de tarde e vacunódromos, onde estes días adminístranse as vacinas contra a covid e a gripe.