- Este apoio económico irá destinado, principalmente, á prevención das condutas adictivas
Este venres, a directora da oficina de Caixabank en Carballo, Ana Mourelle Vázquez, entregou un donativo por un importe de 5.000 euros á asociación antidroga Vieiro, en cuxa representación asistiron a súa presidenta, Fina Rey Baldomir, e membros da xunta directiva como Mª del Pilar Mata Fernández Balbuena e Susana Couto Ramos.
Vieiro agradece este apoio económico que irá destinado «á prevención das condutas adictivas, cuxos beneficiarios directos son os mozos e as súas familias, así como para todos aqueles problemas causados polas adiccións», sinalan desde a entidade.