42
- O incidente produciuse na Rúa San Luís pasadas as once da noite
Un edificio abandonado sufriu un incendio pasadas as once da noite deste pasado martes, quedando completamente calcinado, segundo os Bombeiros da Coruña. Afortunadamente non houbo que lamentar danos persoais.
O lume tivo lugar na coruñesa Rúa San Luís, pero a columna de fume era visible desde diferentes puntos da zona, o que motivou varias chamadas dos veciños.
As tarefas de extinción prolongáronse ata ben avanzada a madrugada, permanecendo un retén no punto para evitar que se reavivasen focos.