- As solicitudes poderán realizarse ata o 16 de xuño enviando un correo a deportes@camarinas.net
O Concello de Camariñas abriu este xoves o prazo de preinscrición para as súas actividades deportivas de verán, que se dividen en dúas modalidades: actividades acuáticas e obradoiros de tempo libre. As solicitudes poderán realizarse ata o 16 de xuño enviando un correo a deportes@camarinas.net ou a través do Rexistro Municipal.
Estableceranse catro quendas: do 5 ao 19 de xullo, do 20 de xullo ao 2 de agosto, do 3 ao 16 de agosto e do 17 ao 30 de agosto. Todas as actividades terán lugar de 10:00 a 13:30 horas e será obrigatorio tramitar a preinscrición nas quendas ás que se desexe optar para realizar posteriormente a inscrición definitiva.
Haberá dispoñibles 24 prazas por quenda nas actividades acuáticas e 80 por quenda no obradoiro de tempo libre. Terán preferencia os nenos empadroados no municipio.