- Haberá 24 prazas por quenda nas actividades acuáticas e 100 no obradoiro de tempo libre
Desde este venres, e ata o día 10 de xuño, a mocidade de Camariñas pode preinscribirse nas actividades deportivas previstas para este verán e pensadas, principalmente, para fomentar a conciliación nas familias.
Para as actividades acuáticas haberá dispoñibles 24 prazas, habilitándose outras 100 por quenda para os obradoiros de tempo libre. Hai programadas catro quendas: do 4 ao 15 de xullo, do 19 ao 2 de agosto, do 3 ao 17 de agosto e do 18 ao 31 de agosto.
As actividades acuáticas están dirixidas a persoas nados no 2014 ou antes e levaranse a cabo no Club Náutico de Camariñas, mentres que nos obradoiros de tempo libre poden participar persoas nadas entre o 2018 e 2007, ambos incluídos, e terán lugar no pavillón municipal Víctor Vigo, en Camelle e na Ponte do Porto. O horario para as dúas actividades é de 10 a 13 horas.
Terán preferencia as persoas empadroadas no Concello. No caso de superar o límite de prazas previsto, realizarase un sorteo.