42
- Este martes tivo lugar a formalización da acta de replanteo, paso previo ao inicio da obra
O Concello de Camariñas iniciará nos próximos días o proxecto de reurbanización da rúa Ínsua, na parroquia da Ponte do Porto, despois de que se formalizase este martes a acta de replanteo. Trátase dun documento necesario para iniciar as obras, que están valoradas en 41.720 euros e que servirán para pavimentar a vía e dotala de máis servizos para á veciñanza.
As intervencións contemplan a demolición do actual firme e a aplicación dun novo pavimento de formigón armado, así como a substitución e ampliación da rede de saneamento.
O tempo de execución dos traballos é de dous meses desde o inicio das obras.