- As actividades levaranse a cabo do 16 ao 19 de maio
O Concello de Camariñas conmemorará o Día das Letras Galegas cun programa de actividades dirixidas tanto a pequenos como a maiores e que se desenvolverán entre os días 16 e 19.
Luns, 16. Ás 16.00 horas, a biblioteca municipal acollerá unha xincana para 25 nenos e nenas a partir de 8 anos. Será necesario reservar praza en cultura@camarinas.net ou no teléfono 665 13 44 90.
Martes 17. A partir das 12.00 horas celebrarase a entrega de premios Certame Letras Galegas. Quen o desexe poderá poñerlle cor á figura do escritor homenaxeado este ano, Florencio Delgado Guirriarán. Ás 12.30 horas actuará o grupo musical Breogáns.
Mércores 18. Contada musial A formiga na barriga, de Charo Pita. Será ás 11.00 horas na biblioteca municipal e vai dirixida a bebés de entre 0 e 3 anos.
Xoves 19. De novo na biblioteca, pero a partir das 16:00 horas, desenvolverase Papelarte, un obradoiro de esculturas de papel a cargo de Electra Menéndez Muñoz. Está pensado para nenos e nenas a partir de 4 anos, previa reserva de praza.