- A obra, financiada con cargo ao Plan Único da Deputación da Coruña, comezará nos próximos días
O Concello de Camariñas realizou os procesos de replanteo da rúa Virxe do Monte como paso previo ás obras de mellora no firme e beirarrúas da mesma. Este proxecto conta cun orzamento de 40.288,61 euros que serán financiados a través do Plan Único da Deputación da Coruña.
Os traballos iniciaranse nos próximos días e inclúen a demolición dos actuais bordos e beirarrúas ademais do pavimento da vía para, posteriormente, proceder á renovación de todos os elementos con formigón e aglomerado asfáltico. As obras rematarán co pintado da sinalización e un paso de peóns.