O goberno local de Camariñas está a estudar o potencial dunha vía alternativa do Camiño de Santiago, o ‘Camino de la Resurrección’, que o escritor Sebastián Vázquez desenvolve no seu novo libro ‘El Camino de Santiago y el Juego de la Oca’, onde detalla un itinerario alternativo ao Camiño Inglés no que o peregrino, despois de chegar a Santiago, remataría en Camariñas pasando por Muxía.
Neste libro amósase o Camiño a partir dun código, o xogo da Oca, que tradicionalmente foi vencellado a este. Unha das ideas principais que o autor presenta na obra é que o Camiño consta de 14 etapas, mesmo número que o Via Crucis e que os días que van desde a lúa chea ata a nova, sendo 14 os meses lunares dos que consta o Camiño.
O xogo ten 62 casillas, 13 ocas e unha última chamada o Xardín da Oca polo que o autor fala de 63 casillas e 14 ocas. Esta última sería Camariñas, a fin do percorrido. A casilla de saída sería Col du Somport, o inicio do Camiño Inglés e a curiosidade e coincidencia reside en que hai elementos do xogo como as pontes ou a cárcere nos que a etapa correspondente coincide con lugares que contan con esa simboloxía como Puente de la Reina de Jaca (casilla 6), Puente de la Reina (casilla 12) ou a cárcere en Sarria (casilla 52).
Camariñas, o paraíso
Para iniciar o Camiño da Resurrección, despois de saír por Santiago o peregrino pasarase por Padrón, Noia, Fisterra e chegarase a Muxía. Alí, ademais de atoparse coa traslatio de Cereixo e a igrexa de San Julián de Moraime, baixará ata o santuario da Barca onde se atopa a pedra de abalar. Cuenta Sebastián Vázquez en el libro que “justo en ese lugar se produjo el encuentro entre Santiago y María y, según la leyenda, ella venía justo de enfrente, en donde se levanta la ermita de la Virgen del Monte en Camariñas, prueba de ello son las huellas de sus pies que se conservan en una piedra frente a la ermita. Por mar son apenas cuatro kilómetros los que separan ambos puntos. Por tanto el peregrino regresará sobre sus pasos y llegará a Camariñas para acceder, por fin, al Jardín de la Oca”.
O Concello de Camariñas e Sebastián Vázquez presentarán este libro ao público nunha data aínda sen concretar pero que previsiblemente será a finais de agosto. O autor adianta que “el objetivo de esta guía es ayudar al peregrino a que su experiencia en el Camino sea más profunda y completa, desarrollano un camino como el de la resurreción que es de los más desconocidos por la gran mayoría de peregrinos y fue casi olvidado”.
A alcaldesa de Camariñas, Sandra Insua, incidiu en que “o noso obxectivo non é ser fin do Camiño, só queremos ver a posibilidade de destacar Camariñas como un destino especial dentro deste itinerario que permitirá ao peregrino chegar ao ‘paraíso’ e completar a súa experiencia vital, a base do Camiño”.