- O obxectivo é fumigar tanto as vías, como as beirarrúas ou o mobiliario público preto dos centros de saúde ou supermercados
O Concello de Camariñas continúa a tomar medidas para contribuír á deter a expansión do COVID-19. Desde este martes e ata que finalice o estado de alarma, os operarios municipais fumigarán cada día as vías e o mobiliario público nas zonas onde haxa locais aos que pode acceder a veciñanza.
Os traballadores dividiranse en dous grupos para poder chegar cada día á totalidade do municipio. O seu obxectivo é fumigar tanto as vías, como as beirarrúas ou o mobiliario público preto dos centros de saúde ou supermercados.
Ademais, tamén se actuará nos contedores de cada parroquia xa que o servizo de recollida de lixo segue funcionando. Esta acción levarase a cabo un día en cada zona.