- Telefónica, Orange e Vodafone comezarán a implantar os novos servizos durante as próximas semanas
Telefónica, Vodafone e Orange anunciaron este xoves que durante as próximas semanas realizarán en Camariñas o proceso de implantación dos servizos de telefonía móbil de nova xeración, 4 G e 5 G, sobre as bandas de 800 e 700 MHz, respectivamente. Isto permitirá que a veciñanza poida gozar de conexións móbiles de alta velocidade cunha mellor cobertura no interior dos edificios e maior extensión xeográfica.
Para garantir a compatibilidade da nova tecnoloxía coa televisión dixital terrestre (TDT) os operadores traballarán coa entidade Llega700, encargada de solucionar calquera afectación na recepción do sinal de televisión. As incidencias poderán rexistrarse chamando de xeito gratuíto ao 900 833 999 ou a través de www.llega700.es.