Na madrugada deste domingo producirase o cambio de hora para que o horario de inverno se axuste mellor ao ciclo do sol. Este pode ser o último cambio de hora se prospera a proposta española para reabrir un debate estancado desde hai anos na UE para suprimir esta medida. O cambio será oficialmente ás tres da mañá, hora peninsular, que coincide coa hora central europea; ás tres da mañá os reloxos atrasaranse ata as dúas. Con este cambio, a xornada do domingo 26 terá 60 minutos máis. O presidente do Goberno, Pedro Sánchez, e varios dos seus ministros defenderon terminar cos cambios pero non aclararon aínda cal debería ser o horario definitivo.