144 socios pertencentes á Asociación de Empresarios de Santa Comba estaban convocados este martes a unha Asamblea Xeral Ordinaria, para tratar entre outros asuntos a continuidade, ou non, da actual Xunta Directiva. Antes das votacións fíxose balance e aprobáronse as contas de 2019, ademais dos orzamentos para este ano. De seguido, tras unha breve intervención dos dous únicos candidatos que se presentaron, comezou a votación presencial seguida dos votos delegados. As dúas candidaturas a elexir, estaban formadas por unha parte, a presidida pola actual presidenta Teresa Castro (Tenda Fototeca) e unha nova lista encabezada por Alberto Romar Landeira, (Tenda El Juguetón). Os socios falaron en votación e con contundencia, Alberto Romar será o novo presidente ao conseguir 93 votos, contra os 43 acadados por Teresa Castro.
A nova directiva estará formada polos seguintes empresarios:
- Alberto Romar Landeira (El Juguetón) -Presidente-
- Víctor Manuel Vecino Rey (Infozone Ordenadores)
- Inés Castro Ambroa (Quercus)
- Cristina Silva Paredes (Hotel Xallas)
- Alberto Arán Pérez (Talleres Arán & Pombo)
- Pablo Pérez Escaríz (Talladas Gastrobar)
- Cristina Calvelo Vilaboa (Café Bar Súper A Nosa Vila)
- Javier González Blanco (Electroxallas Electrodomésticos)
- Diego Vilas Boga (Cristalería Vilas)
- Marcos Rodríguez Ferreiro (Rural Center).