HM Hospitais e a Axencia de Doazón de Órganos e Sangue (ADOS) unen as súas forzas para organizar conxuntamente unha campaña de doazón de sangue este mércores 19 de outubro, coa instalación de unidades móbiles nos exteriores do Hospital HM A Esperanza en Santiago e no policlínico que HM Hospitais ten en Lalín. Esta campaña está dirixida tanto ao público en xeral como aos profesionais de HM Hospitais e pretende concienciar á sociedade sobre as vantaxes de doar sangue, algo que soamente leva dez minutos pero que salva miles de vidas cada ano.