O Parlamento de Cantabria aprobou este luns a derogación de lei de Memoria Histórica e Democrática da comunidade autónoma cos votos de PP e Vox. A iniciativa, rexistrada polo partido de extrema dereita, sumou 19 votos a favor fronte aos 16 en contra de PRC e PSOE que impulsaron a norma hai case dous anos desde o Executivo rexional. O texto insta o Executivo a presentar o máis axiña posible un proxecto de lei de derogación.
O PSOE defendeu que a Lei de Memoria Histórica e Democrática de Cantabria “non é só para un bando” e, segundo dixo o seu parlamentario Mario Iglesias, este asunto “non se estaría debatendo” noutros países europeos porque as políticas de memoria “son un deber do estado democrático despregado por gobernos de distinta cor”. “É un tema de xustiza, os dereitos humanos non se poden someter á vontade política, cúmprense ou non se cumpren”, dixo.