O Concello de Vimianzo e a Fundació Baleària ‘Art amb B’ presentarán este venres a exposición colectiva de pintura Canyissos. Unha mostra que reúne a 54 artistas de Baleares, Valencia e Galicia, a través do cañizo (canyisso en catalán) que é o lenzo das súas obras de arte.
Esta táboa de madeira, típica da zona de Porreres, Mallorca, servía para secar os albaricoques (de 1940 ata finais do século XX) . Agora o cañizo é o elemento unificador desta exposición, que reivindica os valores tradicionais. Unha homenaxe ás persoas que adicaron a súa vida a estes traballos artesanais no campo e aos seus produtos.
Nesta exposición colectiva participa o vimiancés Xurxo Martinho e a camariñana Purificación Lema del Río. A inauguración será o venres 7 de outubro ás 20:00 horas na Sala de Exposición Antón Mouzo da Casa da Cultura de Vimianzo.