38
- Desde o mes de marzo instaláronse 230 dispositivos de captura en lugares de uso público e domicilios particulares
O Concello de Cabana de Bergantiños rexistra máis de 3.700 raíñas de avespa velutina capturadas un mes e medio despois de iniciar a súa campaña de trampeo. En total, no termo municipal hai localizadas 230 trampas entre as colocadas en zonas comúns e as cedidas para o seu uso en propiedades privadas. Das 3.713 raíñas capturadas, 913 recuperáronse de dispositivos en lugares de uso público e 2.800 das trampas instaladas pola veciñanza.
Durante as primeiras semanas de marzo instaláronse 80 dispositivos de captura en localizacións como parques, o entorno do CPI As Revoltas e zonas verdes. Ademais, completáronse 150 solicitudes de veciñas e veciños que recibiron unha trampa e líquido atraente para a mesma.