- Hai un total de 230 prazas e os prezos varían en función dos servizos e dos días da semana que se soliciten.
O Concello de Carballo abriu o prazo este luns para matricularse no programa Concilia do próximo curso. Ofértanse un total de 230 prazas repartidas entre o CEIP Fogar (150) e CEIP Bergantiños (80).
O programa desenvolverase durante o período escolar e inclúe servizo de recollida do alumnado á primeira hora da mañá para levalo ao centro e servizo de gardaría. Tamén hai a opción do servizo de almorzo.
En canto ao prezo, os usuarios fixos que se beneficien do servizo todos os días pagarán unha cota mensual de 30,24€ para o servizo de gardería e de 40,75€ no caso de gardería e almorzo. Á parte destes casos os prezos variarán en función do servizo e dos días da semana que precisen as familias.
O prazo para matricularse remata o próximo 5 de agosto. Máis información chamando ao Centro de Información á Muller (CIM) ou ao departamento de Servizos Sociais do Concello a través do 981 700 688.