A cita terá lugar no Pazo da Cultura da localidade. Dará comezo coa presentación as 9 da mañá, acto seguido haberá unha charla baixo o lema ¿A que se dedican algúns dos médicos bergantiñáns?, nel participarán os doutores Jesús Herranz González-Botas, María José García Antelo, Gloria Fraga Rodríguez e Pablo Miramontes González.
As 10:30, o profesor e historiador carballés Xan Fraga Rodríguez dará unha visión histórica e social da medicina en Carballo.
Tras unha breve pausa-café, ás 11:30 reanudaranse os actos cunha conferencia do Dr. Alfonso Solar Boga, responsable de Gastroenterología pediátrica do Hospital Teresa Herrera de A Coruña.
Seguramente a parte máis emotiva deste encontro terá lugar ás 12:15 horas cunha homenaxe ao desaparecido Dr. Eduardo Mariño.
A clausura será ás 13:30 horas, de seguido terá lugar un xantar de confraternización no restaurante Punta del Este.
A organización do evento corre a cargo dos Drs. Alejandro Ávila Álvarez e Juan Carlos Díaz del Valle, ademáis do Colexio Oficial de Médicos da Coruña, coa colaboración do Concello de Carballo.
Para inscribirse estará habilitada a web do Colexio Oficial de Médicos da Coruña www.comc.es, o correo eco@comc.es ou o teléfono 981 595 562.