Carballo acolleu o seu quinto ‘Nada e Corre’

A proba contou coa organización conxunta da Federación Galega de Tríatlon, a AD.Fogar, o Concello de Carballo e Carballo Deporte, e a colaboración de Gadis e Mundocio. Nun formato moito máis reducido que en edicións anteriores achegábanse finalmente a Carballo algo máis de 60 deportistas de idades comprendidas entre os 6 e os 15 anos pertencentes ás localidades de Arteixo, A Coruña, Carballo e Oleiros. Os 35 triatletas das escolas ADFogar de tríatlon de base en Carballo e Oleiros callaron unha moi boa actuación copando 20 dos 30 postos de podio do evento. Podios que acadaban Carla Vicente, Tadeo Suárez (prata), María Giráldez e Nuno Barcia (bronce) na categoría prebenxamín; Álvaro Varela (ouro), Martín Cid (prata) e Martina Santomé (bronce) na benxamín; Irene Santomé (ouro), Manuel López (prata) e Lino Souto (bronce) na alevín; Oscar Alberte (ouro), Carla Mourelle, Joel Barcia (prata), María Puga e Michel Nuñez (bronce) na infantil; Irea Alén, Álvaro Díaz (ouro), Cristina López, Manuel Souto (prata) e Hugo Souto (bronce) na cadete.