33
As actuacións están divididas en dous proxectos, que se desenvolven nas parroquias de Rus, Sofán, Aldemunde e Ardaña. As obras, que visitaron esta semana o alcalde, Evencio Ferrero, e o concelleiro de Obras e Servizos, Luis Lamas, lévanse a cabo nos camiños de Quintáns (Ardaña) a Gastrar (Rus), Brañas do Carrexal (Aldemunde) e Chousas Novas a Calvos (Rus). Os traballos van encamiñados a adaptar o firme ás características do tráfico que soportan os camiños, mellorar a seguridade viaria, a integración ambiental ou a sinalización, mantendo o trazado existente.