25
O suceso produciuse a última hora da tarde deste xoves. O 112 Emerxencias Galicia daba a voz de alarma e montábase un amplo dispositivo de procura nas inmediacións da parroquia, fundamentalmente na zona do lugar da Regueira, onde foran vistos os mozos por última vez. Finalmente, por sorte, o suceso quedou nun susto e todo terminou minutos antes das nove da noite, ao ser localizados. Agora trátase de esclarecer o ocorrido nese espazo de tempo que non se sabía nada do seu paradoiro.