18
O alcalde de Carballo, Evencio Ferrero, e o concelleiro de Obras e Servizos, Luis Lamas, achegáronse ata unha das obras relacionadas co ciclo integral da auga que o Concello de Carballo ten en marcha neste momento, e que permitirá completar as redes de abastecemento e saneamento na parroquia de Berdillo. A actuación, que ten un orzamento de 275.000 euros, permitirá estender estes servizos aos lugares do Curro, Aseñado, A Chavella, O Alto e A Redonda, cun total de 32 vivendas.
Con este proxecto complétase un investimento de case 3 millóns de euros en obras hidráulicas realizadas entre o ano pasado e o actual para estender as redes de auga e/ou saneamento a 40 lugares de 12 parroquias, e que segue ampliándose con novas intervencións.