21
A comarca de Bergantiños está de sorte nos xogos do azar. Hai días era a quenda para un agraciado cun millón de euros en Buño. Este martes a sorte entrou de fronte para o afortunado que selou un boleto da Bonoloto na administración número tres de Carballo, situada na rúa da Estrela 4. Hai un acertante de Primeira Categoría (6 acertos), que validou o seu boleto nesta administración e que gañou 1.987.818,77 euros. A combinación gañadora estivo formada polos números 8, 18, 24, 20, 29, 9. O complementario foi o 37 e o reintegro, o 2. Polo que Carballo xa busca a un novo millonario.