As concellarías de Cultura e Normalización Lingüística unen forzas para encher de actividade o fermoso e acolledor espazo municipal do Rego da Balsa, no que ata finais de marzo terán cabida os contacontos, os obradoiros, o cine, a música e, por suposto, a literatura. O concelleiro Marcos Trigo e a concelleira Maruxa Suárez presentaron un cartel cheo de actividades para bebés, nenos e nenas, adolescentes, mozos e mozas e persoas adultas, e lembráronos que #abibliomola.
