Unha persoa foi evacuada de urxencia por unha ambulancia do 061 a última hora deste domingo do lugar de Taboada na parroquia carballesa de Entrecruces. Un particular contactaba pouco antes das 22 horas co 112 Emerxencias Galicia, informando de que unha persoa podería necesitar asistencia médica ao atoparse aparentemente ferida. Desde o 112 mobilizaron aos servizos sanitarios e tamén se pasou aviso á Garda Civil, que enviou unha patrulla ao lugar. Tras a evacuación do ferido, un coñecido das forzas da orde con numerosos antecedentes, investíganse agora as causas do ocorrido, por se puidese tratarse dunha caída ou pola contra dunha pelexa ou unha agresión.