Carballo | Evacuado de urxencia tras unha pelexa na rúa

Ambulancia en el PAC de Carballo.

Un home de mediana idade resultou ferido na tarde deste domingo en Carballo. Segundo testemuñas presenciais consultadas por este medio esta persoa sufriría un forte golpe na cabeza, presuntamente cunha botella. O agredido quedou tendido no chan sangrando abundantemente e o agresor, en primeira instancia, deuse á fuga. Os feitos sucederon sobre as sete da tarde nas confluencias das céntricas rúas Vicente Risco e Avenida de Finisterre. Unha ambulancia do 061 trasladou ao ferido de urxencia ao centro médico carballés. Á espera da súa evolución, as forzas da orde iniciaron unha investigación para tratar de esclarecer con detalle todo o ocorrido.