45
As imaxes que circularon como a pólvora polas redes sociais foron supostamente gravadas durante esta fin de semana no 8Bar, un local de hostalería situado na céntrica rúa Coruña. Nos vídeos que por respecto aos que si cumpren as normas non imos publicar, obsérvase a varios clientes sen mascarrilla bailando e cantando tanto dentro como fora do local. Algúns veciños afirman que están fartos de chamar ás forzas policiais, pero as neglixencias repítense. Outros comerciantes quéixanse de que co pobo en alerta vermella eles teñen que pechar e que as normas deben ser para cumprir todos por un igual, en beneficio da sociedade en xeral.