26
A rúa Barcelona de Carballo loce novas xardiñeiras elaboradas polo artesán carballés Fabián Lage, e que ademais saíron dun tileiro enfermo que fora preciso cortar na Milagrosa. A maiores de aportar máis verde e máis cor á rúa, evitarán os continuos danos provocados polo paso de vehículos polos macizos das esquinas coa rúa Tarragona. Tras a súa colocación, recibiron a visita do alcalde, Evencio Ferrero, e os concelleiros Luis Lamas e Juan Seoane, así coma do artesán que as construíu.