O Basket Xiria contará, salvo imprevistos, con tódolos seus xogadores este sábado contra un difícil rival, que virá coa intención de continuar invicto e líder en solitario. Os xogadores do equipo carballés estiveron toda a semana adestrando duro para chegar o mellor posible a esta cita, para poder disputar e vivir un encontro como o da tempada pasada, contra a Cultural, que a pesar da derrota por catro puntos (76-80), viviuse un encontro repleto de gran baloncesto, emoción e intensidade ata o intre final.
A Cultural Deportiva Leonesa conta nas súas filas con xogadores de gran potecial, exemplo diso son: Federico Copes (18,3 puntos/partido +9 41 rebotes), Miguel Domínguez (47,6% en Triplas), Rodrigo Llamas e Sergio Martínez (86 créditos valoración e 33 / 35 rebotes), así como Roger Bultó e Diego Fábrega (24 asistencias e 11 balóns roubados). Ao que sigue o resto do equipo cun xogo coral e agresivo en defensa, que sumados as individualidades e altos porcentaxes de tiro, fan a este equipo un dos candidatos da Liga EBA ao ascenso.