O caso máis grave de Galicia por incidencia do coronavirus en alumnado e profesorado sitúase no CEIP Fogar de Carballo. O centro suma novos contaxios e alcanza xa os 22 positivos, ademais de cinco aulas. O Sergas está a realizar un cribado entre alumnos e docentes para determinar o alcance da grave situación no inmoble.
A incidencia da covid-19 nos centros educativos inverteu a tendencia de incremento progresivo de casos rexistrada nas últimas semanas, por outra fase de redución no total de contaxios que actualmente se sitúan nos 1.263 positivos que obrigan a manter pechadas polo menos 70 aulas en escolas, institutos e gardarías de Galicia.
Con todo, aínda se rexistran gromos importantes nas instalacións educativas galegas que chegan a superan os 20 positivos nun mesmo centro e que obrigan a tomar medidas específicas de actuación para tentar analizar o alcance da infección, como é o caso deste de Carballo.